Nú hefur nýtt skálavarðahús verið tekið í notkun í Vöðlavík. Húsið er smíðað af smíðadeild Verkmenntaskóla Austurlands. Húsið var flutt í heilulagi á bíl frá Norðfirði, yfir Oddsskarð og út í Vöðlavík.  Húsið mun stórbæta aðstöðu skálavarða í Vöðlavík, í húsinu verður svefnaðstaða, eldunaraðstaða, klósett og sturta. Við erum virkilega stolt af þessari viðbót í Vöðlavíkina og hefði þetta aldrei getað orðið að veruleika án mikillar sjálfboðavinnu félagsmanna. Verkefnið hlaut styrk frá eftirtöldum aðilum og kunnum við þeim bestu þakkir: Fjarðabyggð Tanni Travel SÚN Síldarvinnslan Hampiðjan Landsbankinn Hildibrand Sparisjóður...

Um miðjan febrúar voru  hluti húsanefndar Ferðafélags fjarðamanna og fleiri félagar að lakka panel í nýtt húsvarðarhús sem nemendur VA byggja fyrir félagið. Eins og venjulega þegar við komum saman er glatt á hjalla og verkið þaut áfram. Takk fyrir góða stund. Það stefnir í gott sumar í Vöðlavík og nýja húsið mun örugglega verða freisting fyrir fólk að taka að sér að vera viku í Vöðlavík við skálavörslu.