Laugardaginn 18. júlí var gengið á Kistufell, 1239 m. Sjö manns fóru í gönguna. Hægt er að fara fleiri en eina leið á Kistufell en oftast og að þessu sinni var gengið meðfram fjallinu, inn dalinn Hjálpleysu inná varp, þar sem halla fer niður til Héraðs. Það er í um 700 m hæð. Þá er beygt og farið upp fjallshlíðina, sem er samfellur mikill bratti þar til rúmir 100 metrar eru eftir í hæð, þá minnkar brattinn.
Eftir að kom uppá varpið var skítaveður, hvasst með köflum, rigning og súld og hitinn trúlega rétt yfir frostmarki. Urðu göngumenn því blautir, kaldir og hraktir og var stoppað stutt á toppnum og ekki fór tími í að skoða útsýnið því það var auðvitað ekkert.

Ljósm. Kristinn Þorsteinsson.