Fjarðarheiðin hefur verið títtnefnd í fréttum undanfarinn vetur og vor (2013) vegna ófærðar og mikils snjós. Hún hentar ekki vel fyrir bíla en þeim mun betur til skíðagöngu. Þaðan er hægt að ganga í ýmsar áttir oft töluvert fram á sumarið. Laugardaginn 25. maí 2013 fór ljósmyndari þessara mynda við annan mann í skíðagöngu af Heiðinni og til norðausturs, meðfram Vestdalsvatni og uppá Afréttartind (um 1040 m) sem er milli botns Seyðisfjarðar og inndals Loðmundarfjarðar. Eins og myndirnar bera með sér var veður hið besta og skíðafæri gott, það þyngdist þó er leið á daginn.

Ljósm. Kristinn Þorsteinsson