Sunnudaginn 26. ágúst stóðu Ferðafélag Fjarðamanna og Ferðafélag Fljótsdalshéraðs semeiginlega fyrir ferð í Múlahöfn, Þerribjörg og Bjarnarey út við Héraðsflóa.
Var farið á bílum upp á Hellisheiði og gengið frá efstu drögum Kattárdals niður í Múlahöfn og út að Þerribjörgum. Fararstjóri var Hjálmar Jóelsson. Björgunarsveitin Vopni á Vopnafirði sá um að flytja fólk út í Bjarnarey þar sem Jón Andrésson fræddi viðstadda um sögu eyjarinnar. Að aflokinni heimsókn í Bjarnarey fór hluti af hópnum í land í Múlahöfn og gekk upp úr víkinni, en aðrir sigldu með bátnum áleiðis til Vopnafjarðar.
Kunnum við fararstjóra, Björgunarsveitinni Vopna og Jóni Andréssyni bestu þakkir fyrir ánægjulega ferð.

Ljósm. Kristinn Þorsteinsson